Mika's Profile

Hello,我叫mika,我係一隻等緊屋企既兔兔。一日我前主人將我遺棄係街上,好彩有個有心人將我救左,帶左我去漁農處,之後再聯絡兔友會接左我,我先唔使流落街頭。而家我住係寄養家庭,呢度有個成日幫我影相既契媽同埋一個成日追住我既管家婆──小北。

我既嗜好係捐窿捐罅,有時都會曵曵咬下野。我最鍾意既食物係草草、乾糧、木瓜丸,鍾意食紅蘿蔔,但唔係十分鍾意食菜菜,每日都飲好多水。

聽完我既介紹,你地有冇興趣領養我呢?如果有,可與兔友會聯絡,電郵info@hkrabbit.org。