我家冇小強

今日小北又做了一件驚天地泣鬼神的事。屋企出現左一隻中型小強，被小北玩到翻肚，極力掙扎之際，小北用手撥弄，兔貓爸發現時，大喝一聲”小北”欲停止小北繼續搞小強，點知小北只係停頓了兩秒，然後lee lee嗱嗱用口叼左小強入梳化底繼續玩，OH MY GOD！
最後，兔貓爸用掃把掃出小強，然後將佢掉了出屋外的垃圾桶。相信，一日有小北，小強都唔可以係我屋企留低（最多是路過）。

至於，小北捉緊小強時，大白做緊乜呢？佢就事不關己咁，坐係隔離，郁都唔郁下，睇黎大白除左識捉小北條尾之外，就乜都唔識捉．．．．．．

P.S. 小北雖則英勇，但我諗呢個星期都唔會比佢上床訓。