我們的近況

最近比較忙，沒時間update，小北和Ｑ仔仍然是這樣的懶洋洋。

盛放的玫瑰

這條貓隧道看起來好像一朵盛放的玫瑰,小北就在玫瑰的中央。

世盃熱

世界盃開鑼,晚晚追睇波一族到了早上難免出現以下情況：

眼無神
眼矇矇,有氣無力
偷偷躲在某角落訓覺
日光日白訓到不省人事
發夢也會做出頂頭槌之動作

新加坡遊─遊玩篇

剛剛去完獅城4日,去之前人人都話新加坡悶,但自由行逛逛、吃吃東西也不錯。不過,標誌魚尾獅居然維修中,圍上棚架和綠色網,真是有點......

遊新加坡河：第一天到達已黃昏,去了克拉碼頭吃晚飯和遊河,哈哈,遊河居然有點像在巴黎遊賽納河feel。

聖陶沙：去了聖陶沙,旅遊書明明寫套票廿幾蚊坡紙,去到要成差唔多五十蚊(問個職員佢話剛剛加價),計落成二百幾三百蚊港紙,去一個人地話海洋公園好玩好多既地方?!所以,無買套票,只買了入場券進去逛逛便算,加上落雨,果然是沒甚麼好玩,......


動物園：去Singapore Zoo和Night Safari(夜間動物園)最開心,動物園又乾淨、地方大,而且睇動物距離都幾近。雖然Night Safari好出名,但個人都係覺得日間動物園好玩d,睇得清楚d,影d相都靚d。

假的動物都整得好細緻,像真度很高。

養貓後,睇任何貓科動物都像在看小北,左起小北飲水、小北lam手、小北訓覺......

新加坡遊─美食篇

去新加坡不可不吃的美食,應該大部分都有吃。

無骨海南雞飯和沙嗲
傳統叻沙和熱烈推介kolo麵(右圖),旅遊書無介紹kolo麵,但行過見到人地食,覺得好似好正,一試覺得真係好好味。(在China Town有兩間)
呢個係百貨公司food court見到幾得意,叫了一客來試試,一塊薄餅包了很多餡和醬汁,但唔記得左叫咩名,不過味道都ok。
小印度的拉茶和薄餅

新加坡遊─街貓篇

一晚由駁船碼頭行往Fullerton酒店時,見到兩隻好friend既貓,一齊洗臉,一齊打架。

行到新加坡河畔離遠見到有幾隻貓雕像,點知行到埋去,真係有兩隻貓係度住,佢地仲係橋邊行同坐,我睇到覺得好危險,但佢地如履平地。(按圖可放大)

右邊那隻好像小北,還在橋外睡覺。

ps：下次有朋友去,如果仲見到佢地,記得同我講!

新玩具

Q-pxt又係豬豬島搞大減價,今次掃左三包BC貓砂(買二送一),同呢條貓隧道,小北玩到不亦樂乎。

嚇死:>_<:

昨晚Q仔突然唔多妥,匿係梳化底,連佢最愛既小食都唔食就知佢有事。但因為已經夜深,成晚都好擔心,諗住朝早就即刻帶佢去睇醫生,後尾幫佢按摩下個肚仔,等左幾個鐘頭後又正常返,食返草草,仲猛飲水,真係擔心死,好彩而家無事。

今朝已恢復正常的Q仔