大白可憐豬

從上海回來後發現大白背脊有忽毛甩甩下，好似皮膚病咁，今日帶左佢去睇醫生，真菌感染，患左金錢癬(Ringworm)，醫生幫佢搣左d死毛，真係成個圓形出左黎。可憐大白豬要食兩個星期藥，擦藥膏。

男人最痛算這種──大白而家個背脊好似中年男子的禿頭

周莊三貓

去了上海4天，其中一天去了中國第一水鄉周莊。

周莊有乜睇？

──小橋、流水、人家、貓貓

周莊最出名便是這條雙橋

雙橋永遠都咁多人，你有否發現除了人外，相中有甚麼？ (按圖放大睇睇)

留意一下，遊人勁多的雙橋下有隻貓，悠然自得地訓晏覺。

後來又遇到一隻黑白貓，佢既身形好似大白。

幾靚仔

臨走又遇到這隻好好笑的貓，同佢講野，佢會回應的。

回應中：喵～～

沒有o靚仔作伴的小北

小北：無貓陪我打交(大白唔係我對手)

惟有攬住幅牆玩

o靚仔做左大佬

        數日無 update 個 blog，因為去左上海一轉，回來後可以放下對ｏ靚仔不捨的感覺了，更重要的是知道他搵到一個好主人，對佢好好。ｏ靚仔去左新主人屋企短短一個星期，已經做左大佬，據新主人說，ｏ靚仔有好野食一定佢食先，另兩隻貓貓想食，就比佢fee，佢食完先到另外兩隻貓貓食，如果無咁好食的呢，就可以一齊食。聽到ｏ靚仔咁鬼霸道，覺得好好笑，佢習慣新生活，我亦放心好多了。

呢張相仲係我屋企時影的,據說o靚仔大隻左好多,希望下次收到新主人傳來的相再post上黎。

o靚仔的兩個"o靚"，貓B是新主人暫養的,正在找主人中。

        在此，亦要特別多謝幫ｏ靚仔搵到主人的小毛豆，全靠佢熱心的幫忙，令ｏ靚仔咁快搵到主人，真係多謝晒！而認識小毛豆，是因為一次逛書局看到她寫的《我沒有9命》一書，各位愛貓人士看此書必有共鳴，大家可以看看啊!

給o靚仔的信

　　記得你初到我家的頭幾天，由於要被隔離的關係，你被困在廁所，於是你拼命的叫，令我覺得好煩好煩，心想兩個星期我要怎樣熬過去。但只要我或兔貓爸入廁所陪你，你便馬上收聲，係都要跳上人大脾上咕嚕咕嚕，然後在我們的肚腩上按摩，把你放回地上，你又再跳上來。後來你不用困在廁所，在客廳走來走去，你的一舉一動，常讓我想起小時候的小北，而你和小北的感情好像特別好，常常「打」成一片，小北也罕有的對你不錯。
　　我養過的三隻貓當中，只有你會按摩；只有你在享用美食時，會一邊wow wow wow的邊吃邊說話；只有你在沒有食物的利誘下，都會嬌嗲的對我喵一聲。三星期時候好快就過去了，而你亦會有你真正的主人愛你，我知道他會很錫你的，你以後就要乖乖的，和他的三色貓妹妹做對好朋友，我和兔貓爸都會好掛住你的！

跟你擊掌為誓，過幾個月，你長大後，我再來探你，希望到時你還會記得我。

o靚仔靚相

ｏ靚仔星期日已經到了新家，應該慢慢適應之中。之前幫o靚仔影落好多靚相，都未得閒post，而家一次過post晒出來。

著上小北不合身的衣服，都幾襯ｏ靚仔喎。

韓服美少年

初來時幾細粒

要走那一天特別找來MIKA一齊開餐

詠春黐手

另一段打交片

惡爺KA又出動

慘遭蹂躪

玩埋一份
行兇之後

快將失戀

蓮媽形容暫托的貓貓走後，失魂落魄，感覺有如失戀。星期六我就要將ｏ靚仔送到新主人手上，這三個星期總算養到你肥肥黑黑，愈來愈討人喜愛吧。

八八卦卦

毛色愈來愈有光澤
愛黏人的小鬼

好似玩具貓的膠鼻哥

好有黑豹FEEL

惡兔兇貓

唔好睇mika個樣好可愛咁，查實佢係一隻惡兔黎ga，有時伸手入籠想拎個糧兜，都會比佢噬一野，所以我地稱mika做「惡爺ka」，初生之犢雖然唔怕大貓，但對mika就敬而遠之。

大與小 黑與白